गण्डकी, २३ कात्तिकः कास्कीको अन्नपूर्ण गाउँपालिका–१ घट्टेखोलामा सुक्खा पहिरो खस्दा आज दिउँसोदेखि अवरूद्ध बनेको पोखरा–बागलुङ सडकखण्ड साँझदेखि सञ्चालनमा आएको छ ।
पहिरो पन्छाएपछि यातायात सेवा सञ्चालन भएको वडा प्रहरी कार्यालय, बगरका प्रहरी निरीक्षक रामप्रसाद सापकोटाले जानकारी दिनुभयो ।
पहिरोको जोखिम कायमै रहेकाले रातको समयमा विशेष सावधानी अपनाएर मात्र यात्रा गर्न सर्वसाधारण र सवारीचालकलाई अनुरोध गरिएको उहाँको भनाइ छ । उक्त स्थानमा आइतबार सुक्खा पहिरो खस्दा सडक अवरूद्ध बनेको थियो ।
प्रतिक्रियाहरू जाँचपछि मात्र प्रकाशित हुन्छन्। पीडित, नाबालक वा अभियुक्तको नाम नलेख्नुहोस् र आरोप नलगाउनुहोस्। त्यस्ता प्रतिक्रिया हटाइनेछन्।