नेपाल प्रिमियर लिग (एनपीएल) मा आज पनि दुई खेल हुँदै छन् ।
कीर्तिपुरस्थित त्रिवि क्रिकेट मैदानमा आज कर्णाली याक्स र सुदूरपश्चिम रोयल्स तथा चितवन राइनोज र पोखरा एभेन्जर्सबीच खेल हुँदै छ । कर्णाली र सुदूरपश्चिमको खेल मध्याह्न १२:३० बजे तथा चितवन र पोखराबीचको खेल बेलुकी ५ बजेदेखि सुरु हुनेछ ।
प्रतियोगितामा तीनमध्ये दुई खेलमा जित हात पारेको कर्णाली ४ अंकसहित अंकतालिकामा तेस्रो स्थानमा छ । त्यस्तै, चारमध्ये दुई खेल जितेको सुदूरपश्चिम ४ अंकसहित छैठौँ स्थानमा छ । प्लेअफ सम्भावना बलियो बनाउन दुवै टोलीलाई खेलको नतिजा आफ्नो पक्षमा पार्नुपर्ने दबाब छ । त्यसैले यो खेल कडा प्रतिस्पर्धात्मक हुने देखिएको छ ।
यता, ३ अंकसहित सातौँ स्थानमा रहेको चितवन र एउटा पनि खेल जित्न नसकेको पोखराबीच खेल पनि रोचक देखिएको छ । चितवनले दुई खेल खेल्दामा एकमा हार र एकमा जित निकालेको छ भने एक खेल वर्षाका कारण रद्द हुँदा अंक बाँढेको छ । तीन खेल खेलिसकेको पोखराले अहिलेसम्म जित हात पार्न सकेको छैन । प्लेअफ सम्भावना कायम राख्नका लागि पोखरालाई अबका सबै खेल जित्न आवश्यक छ ।
प्रतिक्रियाहरू जाँचपछि मात्र प्रकाशित हुन्छन्। पीडित, नाबालक वा अभियुक्तको नाम नलेख्नुहोस् र आरोप नलगाउनुहोस्। त्यस्ता प्रतिक्रिया हटाइनेछन्।