काठमाडौँ, २३ कात्तिकः नेपाल प्रिमियर लिग (एनपीएल) क्रिकेट प्रतियोगिताअन्तर्गत आज जारी खेलमा पोखरा एभेन्जर्सले कर्णाली याक्सलाई २१८ रनको चुनौती दिएको छ ।
कीर्तिपुरस्थित त्रिभुवन विश्वविलय अन्तरराष्ट्रिय क्रिकेट मैदानमा टस जितेर पहिला ब्याटिङ रोजेको पोखराले निर्धारित २० ओभरमा तीन विकेट गुमाएर २१७ रनको विशाल योगफल बनायो ।
पोखराका लागि युभराज सामराले उत्कृष्ट ब्याटिङ गर्दै ४८ बलमा १० चौका र छ छक्कासहित १०२ रनको योगदान दिए ।
त्यस्तै कप्तान कुशल भुर्तेलले ३९ बलमा सात छक्काको मद्दतले ६२ रन बनाए । कप्तान चमिका करुणारत्नेले ११ बलमा तीन चौका र तीन छक्कासहित अविजित ३५ रन जोडे । महेदी हसन पाँच रनमा र सन्नी विक तीन रनमा आउट भए ।
बलिङतर्फ कर्णाली याक्सका सोमपाल कामीले चार ओभरमा २४ रन खर्चेर दुई विकेट लिए । मार्क वाटले एक विकेट हात पारे । कर्णाली याक्स अहिले जवाफी ब्याटिङमा उत्रेको छ ।
प्रतिक्रियाहरू जाँचपछि मात्र प्रकाशित हुन्छन्। पीडित, नाबालक वा अभियुक्तको नाम नलेख्नुहोस् र आरोप नलगाउनुहोस्। त्यस्ता प्रतिक्रिया हटाइनेछन्।