भारतको उत्तरपूर्वी राज्य आसाममा बुधबार रेलका केही डिब्बा पटरीबाट खस्दा कैयौँ यात्रु घाइते भएका छन्।
पश्चिम बंगालको राजधानी कोलकाताबाट मिजोरमको साइराङतर्फ गइरहेको रेल दुर्घटनामा परेको पूर्वोत्तर सीमावर्ती रेलवेका एक अधिकारीले पुष्टि गरेका छन्।
दुर्घटनामा रेलका केही डिब्बा लिकबाट बाहिरिएका थिए। घटनामा कैयौँ यात्रु घाइते भएको बताइएको छ। यद्यपि, हालसम्म कसैको मृत्यु भएको आधिकारिक पुष्टि भएको छैन।
रेलवे अधिकारीका अनुसार दुर्घटनाबाट भएको क्षतिको विवरण संकलन तथा मूल्यांकन गर्ने काम गरिएको छ। घटनाबारे थप विवरण आउन बाँकी छ।
प्रतिक्रियाहरू जाँचपछि मात्र प्रकाशित हुन्छन्। पीडित, नाबालक वा अभियुक्तको नाम नलेख्नुहोस् र आरोप नलगाउनुहोस्। त्यस्ता प्रतिक्रिया हटाइनेछन्।